Kúrdeli jóndeýden ótken aýyldyq mádenıet úıi qaıta jańǵyrdy - Aqmola oblysy
KÓKShETAÝ. QazAqparat - Aqmola oblysynyń Astarhan aýdanynda kúrdeli jóndeý jumystary júrgizilgen aýyldyq mádenıet úıi qaıta jańǵyrdy. Bul týraly aımaq basshysy Sergeı Kýlagınniń aýdanǵa jumys sapary barysynda aıtyldy, dep habarlaıdy «QazAqparat» HAA tilshisi ákimdiktiń baspasóz qyzmetine silteme jasap.
Aımaq basshysy Jańa turmys aýlyndaǵy mádenıet úıiniń jumysymen tanysty. Ótken jyly mádenıet oshaǵyna respýblıkalyq bıýdjetten 31,1 mıllıon teńge qarjy bólingen. Oǵan ǵımarattyń shatyry, qabyrǵasy, sý, elektrmen qamtamasyz etý júıelerin jańartý boıynsha kúrdeli jóndeý jumystary júrgizilgen.
Sonymen qatar, oblystyq bıýdjetten bólingen 9,2 mıllıon teńgege mádenıet úıiniń materıaldyq-tehnıkalyq bazasy jańartylǵan. Kórermender zalyndaǵy oryndyqtar men jıhazdar, mýzykalyq apparatýra jáne orgtehnıka tárizdi klýb jumysyna qajetti zattar satyp alyndy.
Osy kúni mádenıet úıi aýyl turǵyndarynyń qoǵamdyq jáne mádenı sharalaryn ótkizetin oshaǵyna aınalyp otyr. Turǵyndar endi aýyl mektebine kúrdeli jóndeý jumystary júrgizilse eken deıdi.
Osy oraıda, aımaq basshysy atalǵan bilim ordasynyń oqýshylary men pedagogtar ujymymmen kezdesip, bul máseleniń qolǵa alynǵanyn aıty.
«Qazirgi ýaqytta bul mektepke jóndeý jumystaryn júrgizý úshin jobalyq-smetalyq qujattamalary ázirlenýde», dedi S.Kýlagın.
