Kúrdeli jóndeýden ótken An-12 áskerı-kóliktik ushaǵy elorda áýejaıyna kelip qondy
ASTANA. 31 qazan. QazAqparat - Elorda áýejaıyna Reseıdiń Taganrog qalasyndaǵy zaýytta kúrdeli jóndeýden ótken An-12 áskerı-kóliktik ushaǵy kelip qondy, dep habarlady QR Qorǵanys mınıstrliginiń baspasóz qyzmetinen.
An-12 ushaǵy jeke quram (60-96 adam) men júkterdi (20 tonnaǵa deıin), QR Qarýly Kúshteri men áskerı tehnıkasyn tasymaldaýdy, jeke quramdy jetkizýdi, arnaıy maqsattaǵy áskerlerdi parashıýtten túsirýdi, áskerı-kóliktik avıatsııa bólimderi men bólimsheleriniń jeke quramyn jaýyngerlik daıyndyqpen qamtamasyz etýge arnalǵan.
An-12 áskerı-kóliktik ushaǵy Qazaqstan Respýblıkasy Qarýly Kúshterinde paıdalanylatyn orta býyndaǵy avıatsııalyq tehnıka bolyp tabylady.
Kúrdeli jóndeý men tolyq jetildirýden ótken An-12 ushaǵyna Qazaqstannyń Áskerı áýe kúshteri úshin navıgatsııa jáne halyqaralyq maıak boıynsha otyrǵyzý júıesi, radıostansa, meteolokator, bıiktik ólsheý, GPS stansasy sııaqty júıeler qondyrylǵan.
Kúrdeli jóndeýden ótken ushaqty keminde alty jylǵa deıin paıdalanýǵa bolady.
