Kúrdeli jóndeý jumystarynan keıin
ALMATY. Qazannyń 12-ci. QazAqparat /Erlik Erjanuly/ - Búgin Almatyda QR Prezıdenti Іs basqarmasynyń Medıtsınalyq ortalyǵy júıesine kiretin "Almaty" saýyqtyrý SPA kýrorty kúrdeli jóndeý jumystarynan keıin qaıta ashyldy. Kópbeıindi bul saýyqtyrý ornynyń negizi 1967 jyly qalanǵan bolatyn. Onda Elbasynyń tapsyrmasymen 2008 jylǵy qańtardan beri tolyqtaı qaıta jóndeý jumystary júrgizilgen edi.
"Bul mekemeniń ózgelerden birqatar ózindik aıyrmashylyǵy bar. Birinshi - bir korpýstan ekinshi korpýsqa aýysý ótkelderi túgeldeı jylytylǵan. Olar arnaıy pantýstermen jabdyqtalǵan, múgedekter arbasymen qozǵalatyn adamdar úshin. Bul naqty adamdarǵa jasalǵan qamqorlyq. Munda keletinder alǵashqy kezekte jasy ulǵaıǵan jáne arbaǵa muqtaj naýqastar. Ekinshi, emdeý mekemesi burynan jumys istep kele jatqanymen onda 2200 metrden óndiriletin emdik sý sarqylǵan bolatyn. Ol endi 3 myń metrge tereńdetilip otyr. Qazir 2744 metrden 44 gradýstyq temperatýrada alynyp otyr", - deıdi QR Prezıdentiniń Іs basqarýshysy Sarybaı Qalmyrzaev. Onyń aıtýynsha, emdeý ornynyń basshylyǵyn taǵaıyndaý men ondaǵy mamandardyń biliktiligi men kórsetetin qyzmet sapasyna da erekshe nazar aýdaryldy. Onda naýqastar emdeýshilerdi emes, kerisinshe syrqattarǵa olardyń júgirip júrip sapaly qyzmet etýine úlken mán berilip otyr.
