Kúrdeli jóndeý jumystaryn júrgizgen merdiger onyń sapasyna keminde 3 jylǵa kepildik berýi kerek
ASTANA. 3 qarasha. QazAqparat /Marlan Jıembaı/ - Merdigerlik kelisim-shartty jasaý barysynda mindetti shart retinde uzaqtyǵy 3 jyldan kem bolmaıtyn kepildik merzimi engizilýi tıis.
Bul usynysty búgin elordada ótken «TQSh-ny jańartý jáne reformalaýdy normatıvtik-quqyqtyq qamtamasyz etý» taqyrybyndaǵy dóńgelek ústel barysynda QR Parlamenti Májilisiniń depýtaty Amanǵos Ótegenov bildirdi.
Onyń atap ótýinshe, kúrdeli jóndeý jumystarynyń barlyq túrlerinde júrgizilgen energoaýdıttiń qorytyndysy termojańartýdyń tómengi kóleminiń kek kúttirmeıtin jumystary tizbesine qosylýy mindetti bolýy kerek. Sonymen qatar kúrdeli jóndeý jumystaryn jasaýshyny anyqtaý, onyń biliktilik sıpattamasy, senimdiligi, qajeti materaldyq-tehnıkalyq bazasynyń bolýy tártibin aıqyndaý mindetti bolyp tabylady.
«Merdigerlik kelisim-shartty jasaý barysynda mindetti shart retinde uzaqtyǵy 3 jyldan kem bolmaıtyn kepildik merzimi engizilýi tıis. Bul kezeńde merdiger qurylystyń bitpeı qalǵan jerlerin óz qarajaty esebinen jóndeýge mindetti», - dedi ol.
