Kúrdeli jóndeý jasalǵan aýyl mektebi qaıta ashyldy - Aqmola oblysy
KÓKShETAÝ. QazAqparat - Aqmola oblysynyń Eńbekshilder aýdanynda kúrdeli jóndeý jumystary júrgizilgen mekteptiń esigi aıqara ashyldy, dep habarlaıdy QazAqparat tilshsi.
Ańǵal batyr aýylyndaǵy Amangeldi orta mektebinde ótken sharaǵa aýdan ákimi Asqar Qıyqov, oblystyq máslıhattyń depýtaty Berik Aqylbekov qatysyp, quttyqtaý sóz sóıledi.
Mektepke aýdan ákimi jańa modıfıkatsııaly bıologııa kabınetiniń sertıfıkatyn tabys etti. Al oblystyq máslıhattyń depýtaty Berik Sekerbaıuly óz atynan mektepke sporttyq qural-jabdyqtar syılady.
Eske sala keteıik, atalǵan bilim oshaǵynda maýsym aıynan bastap kúrdeli jóndeý jumystary bastalǵan bolatyn. Mekteptiń barlyq terezeleri aýystyrylyp, plastıkalyq terezeler salyndy. Elektr júıeleri, synyp bólmeleriniń esikteri aýystyryldy. Tozyǵy jetken eden taqtaılary alynyp, ornyna jańadan taqtaı, lınoleým, parket tóseldi. Sportzaldyń tóbesi jóndeldi. Kúrdeli jóndeýge transfertter esebinen 88750,0 myń teńge, jergilikti bıýdjetten 13200,0 myń teńge qarjy bólindi. 
