Kúrdeli kezeńnen tek kúshti, uıymshyl halyqtar men elder ǵana óte alady - N.Nazarbaev
N.Nazarbaevtyń boljamynsha, aldaǵy jyldary álemdi jahandyq synaq kezeńi kútip tur. Bul týraly ol respýblıka halqyna merziminen buryn jarııalaǵan joldaýynda málimdedi, dep habarlady «Novostı-Kazahstan» agenttigi. Qazaqstandyq kóshbasshy jetekshi derjavalardyń sanktsııalary álemdik ekonomıkanyń damýyna qosymsha kedergiler jasaıtynyn aıtty.
«Men ózimniń ómirden alǵan tájirıbemnen aldaǵy jyldar búkil álem úshin, biz úshin de jahandyq synaq ýaqyty bolatynyn sezemin. Bul kúrdeli kezeńnen barlyq memleketter ońaıshylyqpen óte almaıdy, muny tek kúshti, uıymshyl, birligi tutas halyqtar men elder ǵana artqa tastaı alady», - dep atap ótti Prezıdent. Elbasynyń pikirinshe, Qazaqstan geosaıası shıelenis oshaǵyna tikeleı jaqyn ornalasqan el bolǵandyqtan osy úderisterdiń keri áserin sezinedi.
«Álemdik naryqta baǵalar tómendep barady, jalpy ekonomıkalyq ósý baıaýlady, halyqaralyq valıýta qory men álemdik banktiń boljamynsha, 2014 jáne odan keıingi eki jylda álemdik ekonomıkanyń damýy tómendemek, ol da bizge áser etedi. Sol sebepti bizge keıbir pozıtsııalardy qaıta qarap, aldaǵy kezeń josparyna túzetýler engizý kerek», - dedi N.Nazarbaev.
