Kúrdeli ekonomıkalyq jaǵdaılardyń sheshimin bir jylǵa keshiktirýge bolmaıdy - M.Sydyqnazarov
ASTANA. QazAqparat - Məjilistiń merzimnen buryn tómengi palatanyń saılaýyn ótkizý týraly bastamasy «100 naqty qadam» baǵdarlamasyn júzege asyrý boıynsh bıliktiń zańnamalyq jəne atqarýshy mindetin jedeldetedi,-deıdi L.Gýmılev atyndaǵy Eýrazııa ulttyq ýnıversıtetiniń zamanaýı zertteýler ınstıtýtynyń dırektory Muhıt-Ardager Sydyqnazarov.
«Məjilistiń merzimnen buryn tómengi palatanyń saılaýyn ótkizý týraly bastamasy «100 naqty qadam» baǵdarlamasyn júzege asyrý boıynsha bıliktiń zańnamalyq jəne atqarýshy mindetin jedeldetedi. Bəlkim, keıbireýler «parlamenttik saılaýdy óz ýaqytymen bir jyldan keıin ótkizý kerek edi» deıtin bolar, biraq, əlemdegi qıyn ekonomıkalyq jaǵdaılardyń sheshimi bir jyldy kúte almaıdy. Sonymen qatar, búgin məslıhat saılaýyn qosa ótkizý týraly usynys aıtyldy. Bul jerde, demokratııa jaǵdaıynda ózin ózi basqarýshy jergilikti bıliktiń jumysynda barlyq deńgeıdegi məslıhattar úlken oryn alyp otyrǵany belgili. Dəl osy məslıhattar jergilikti bıliktiń, ıaǵnı, oblystardyń bıýdjetin qalyptastyrady»,-degen ol məslıhat saılaýynyń da mańyzdylyǵyn atap ótti.
«Taǵy bir aıta ketetin jaıt, qıyn geosaıası jaǵdaılar men syrtqy syn-qaterlerdi eskergende, elimizdegi əleýmettik-saıası jobalardyń júzege asyrylýyn kesheýildetsek, joǵaryda aıtqan jahandyq qıyndyqtar bizdiń elimizge tónetin qaýipterdi kúsheıte túsedi. Sondyqtan, ýaqyt joǵaltýǵa bolmaıdy. Elimiz tez arada daǵdarystyń aldyn alý jəne daǵdarystyń saldarlaryn joıý sharalaryna kóńil bólýi kerek. Jańa Parlament saılaýy kún tártibindegi negizgi áleýmettik-saıası máseleler boıynsha Qazaqstannyń azamattyq qoǵamy men bılik arasyndaǵy mámileni zańdy dep tanýǵa múmkindik beredi. Osylaısha, zań shyǵarý men atqarýshy bılik áleýmettik-ekonomıkalyq suraqtardy sheshýge bar kúshti shoǵyrlandyratyn bolady»,-deıdi ol.
