Qurdasyn óltirgen kúdikti qolǵa tústi
ASTANA. 28 naýryz. QazAqparat - Óziniń qurdasyn óltirdi degen kúdikpen almatylyq azamat tutqyndaldy.
Bul týraly búgin QR ІІM Til saıasaty jáne aqparat departamentiniń bastyǵy Nurdildá Oraz málim etti.
«Almaty qalasynda 33 jastaǵy jergilikti turǵyndy óltirý qylmysy ashyldy. Naýryz aıynyń alǵashqy kúnderi onyń zorlyq- zombylyq belgileri bar máıiti jeke úılerdiń biriniń jertólesinen tabylǵan bolatyn», - dedi mınıstrliktiń resmı ókili.
Onyń atap ótýinshe, jedel izdestirý is-sharalaryn ótkizý kezinde buzaqylyq nıette adam óltirdi degen kúdikpen jábirlenýshiniń qurdasy ustaldy. Tergeý barysynda kelispeýshilikten shyqqan urys-keris kezinde kúdikti jábirlenýshige dene jaraqatyn keltirip óltirgendigi, al máıitti jertólege tastap, izin sýytqany anyqtaldy.
