Qurdasy myltyqpen jaralaǵan jasóspirim polıtseıdiń uly bolyp shyqty
ORAL. QazAqparat - Oralda abaısyzda atylǵan oqtan jaralanǵan jasóspirim polıtsııa qyzmetkeriniń uly bolyp shyqty. Bul týraly búgin óńirlik kommýnıkatsııalar qyzmetinde belgili boldy, dep habarlaıdy «QazAqparat» tilshisi.
BQO ishki ister departamenti bastyǵynyń orynbasary Berik Aımurzınniń málim etkenindeı, zardap shekken jasóspirimniń ákesi departamentte tyldy qamtamasyz etý jónindegi bólim bastyǵy bolyp jumys jasaıdy.
Oqıǵa abaısyzda oryn alǵan. Qylmystyq is myltyqty saqtaýda salǵyrttyq tanytqan úı ıesi - er adamǵa qatysty qozǵaldy. Oqıǵa kezinde úıde balalardyń ózderi bolǵan. Olar seıfti kiltpen ashyp, myltyqty alyp, aýla ishinde atqan.
Oblystyq densaýlyq saqtaý basqarmasynan túsken málimetke qaraǵanda, qazir moınynan jaraqat alǵan bala oblystyq klınıkalyq aýrýhananyń neırohırýrgııalyq bólimshesinde jatyr.
Eske salaıyq, oqıǵa 21 qańtar kúni boldy. Jasóspirimderdiń biri ekinshisine abaısyzda oq atqan.
