Kúrd sodyrlary Ankarada bolǵan lańkestik jaýapkershiligin óz moınyna aldy
ASTANA. QazAqparat - «Kúrdistan erkindik suńqarlary» (KES) jaýyngerlik toby túrik astanasyndaǵy lańkestikti óz moınyna aldy. Bul týraly uıymnyń veb-saıtyna silteme jasap Reuters-ke siltememen Lenta.ru habarlady.
Sodyrlar Ankaraǵa jasalǵan shabýyl Túrik prezıdenti Redjep Taıyp Erdoǵannyń saıasatyna jaýap ekenin málimdedi. «Suńqarlar» el aýmaǵyna lańkestik aktilerdi jalǵastyra beretinin aıtty.
Budan buryn 19 aqpanda Erdoǵan astanadaǵy jarylysty uıymdastyrýshylardy ustaý týraly habarlaǵan. 18 aqpanda Túrkııada áskerı kólik jaryldy, oǵan jaýapkershilikti KES moınyna aldy. 17 aqpanda Ankarada lańkestik oryn alyp, 28 adam qaza taýyp, 61 adam zardap shekken. Jarylys astananyń ákimshilik ortalyǵynda bas shtab pen parlament ǵımaratyna jaqyn jerde oryn aldy.
Mına qoıylǵan kólik áskerı qyzmetshiler tasymaldaǵan avtokolonna jaqyndaǵan sátte boldy. Qaza tapqandar men zardap shekkenderdiń basym bóligi Túrkııa Qarýly kúshteriniń ókilderi.
2015 jylǵy 23 jeltoqsanda KES sodyrlary ystambuldyq Sabıhı Gekchen áýejaıynda atys uıymdastyrǵan. Onda jarylys saldarynan bir áıel kóz jumǵan.
«Kúrdistan erkindik suńqarlary» túrik bıligi terrorlyq uıym dep tanyǵan Kúrdistan jumys partııasynyń (KJP) fılıaly bolyp tabylady, alaıda keıinnen olar beıbit dep sanalyp KJP-dan bólinip shyqty. Olar kóbinese lańkestik aktini Ankarada, Ystambulda, ońtústik kýrortty qalalarda jasaıdy. Olar Irak, Sırııa jáne Túrkııa jerleriniń bóligine táýelsiz kúrd memleketin qurý úshin aıqasýda.
