Kúrd kúshteri 163 eldi mekendi «Islam memleketi» basqynshylyǵynan bosatyp aldy
ÁBÝ-DABI. QazAqparat - Kúrdtik «Peshmerga» áskerı qurylymy AQSh áskerı-áýe kúshteriniń qoldaýymen sırııalyq Kobanı qalasynyń mańyndaǵy shamamen 163 eldi mekendi óz baqylaýyna aldy.
Eske sala keteıik, sırııa-túrik shekarasyndaǵy Kobanı qalasyn ótken jyly «Islam memleketiniń» sodyrlary jaýlap alǵan. Sol kezden bastap munda ıslam radıkaldary jáne ıraktyq Kúrdistannyń áskerı kúshteri arasyndaǵy qaqtyǵys bastaldy.
«Al Arabııa» arab arnasy sońǵy úsh aptada kúrdter Kobanı qalasy men onyń mańyndaǵy eldi mekenderdi baqylaýǵa alǵanyn málim etti.
Qazirgi ýaqytta «Islam memleketimen» qaqtyǵys oshaǵy Aın al-Arab qalasynyń mańyna kóshti. Sırııanyń soltústik jáne shyǵys aýmaqtary, sonyń ishinde Aleppodan soltústikke qaraı ornalasqan aýmaq jáne Rakka provıntsııasynan Irak shekarasyna deıingi ońtústik-shyǵys dálizi «Islam memleketi» sodyrlarynyń qolynda.
