Kýrchatovtyń júzden astam jumysshysyna jalaqy qaryzy qaıtaryldy
ÓSKEMEN. QazAqparat - Prokýrorlyq sharalardyń arqasynda 110 jumysshynyń jalaqy boıynsha qaryzdary qaıtaryldy, dep habarlaıdy «QazAqparat» HAA tilshisi.
Kýrchatov qalasynyń prokýratýrasy jumysshylaryna qaryz boǵan qaladaǵy jalǵyz kásiporynǵa saraptaý júrgizdi. Jergilikti «Tasymal kóligi» JShS oblystyń ózge aýdandaryndaǵy iri merdiger bolyp tabylady. Ásirese, «Tasymal kóligi» JShS mektep qurylysymen aınalysqan Jarma aýdany turǵyndarynan prokýratýraǵa shaǵymdar kóptep túsken.
Prokýratýra tez arada jumysshylar shaǵymyna nazar aýdaryp, sharalar qoldandy. Nátıjesinde, jalaqy boıynsha qaryz 30 mıllıon teńgeden 500 myń teńgege deıin qysqardy. 110 jumysshy eńbekaqylaryn aldy. Anyqtalǵandaı, uıymnyń bul qaryzy tapsyrys berýshilerdiń óz ýaqytynda tólem jasamaýynan týyndaǵan.
Máselen, bir ǵana «Qazhrom» transulttyq kompanııasy» JShS «Tasymal kóligi» kásiporynyna 12 mıllıon teńgeden astam qaryz bolǵan. Kýrchatov kásipornynyń shaǵymy boıynsha debıtorlyq qaryzdy óndirip alý týraly sot qaýlysy shyǵaryldy. Qalalyq prokýratýra jalaqy qaryzy tolyq ótelmeıinshe bul máseleni turaqty baqylaýǵa alatyndaryn málim etti.
