Kýrchatovta jańa elektr stantsııasy salynady

ASTANA. KAZINFORM — Memleket basshysynyń kómir generatsııasyn damytý jónindegi tapsyrmasyn oryndaý sheńberinde jáne 2035 jylǵa deıingi elektr energetıkasy salasyn damytý jónindegi is-sharalar josparyna sáıkes Kýrchatov qalasynda qýatylyǵy 700 MVt bolatyn jańa kondensatsııalyq elektr stantsııasy salynady. Bul týraly QR Energetıka mınıstrligi habarlady.

Joba «taza kómir» tehnologııalary negizinde, býdyń asa krıtıkalyq bý parametrleri boıynsha stantsııanyń jumys rejımimen iske asyrylatyn bolady. Onyń iske asyrylýy jańa jumys oryndaryn qurýǵa múmkindik beredi. Qurylys kezeńinde 4 myńǵa jýyq jáne stantsııa paıdalanýǵa berilgennen keıin 400-ge deıin jumys orny ashylady.

Osy joba aıasynda shyǵaryndylardy tazartý men súzýdiń, sondaı-aq shańdy basýdyń zamanaýı tehnologııalaryn qoldanýǵa erekshe nazar aýdarylady. Joba qoldanystaǵy Ekologııalyq kodekske jáne EQT (eń ozyq qoljetimdi tehnologııalar) normalaryna sáıkes, álemdik standarttar deńgeıindegi gaz tazalaý júıelerin ornatýdy kózdeıdi.

Kondensatsııalyq kómir elektr stantsııasynyń qurylysy bıýdjet qarajatyn tartpaı, elektr qýaty naryǵynyń qoldanystaǵy mehanızmi sheńberinde júzege asyrylatyn bolady.

Eske salaıyq, byltyr jyl sońynda Qostanaı oblysynda qýaty 22,6 MVt kún elektr stantsııasynyń (KES) qurylysy aıaqtaldy.