Kýrchatovta páterlerdiń birinen úsh adamnyń máıiti tabyldy
KÝRChATOV.QazAqparat – Shyǵys Qazaqstan oblysynda atys qarýymen asa aýyr qylmys jasalǵan, dep habarlaıdy QazAqparat tilshisi ShQO polıtsııa departamentiniń baspasóz qyzmetine silteme jasap.
Vedomstvo Kýrchatovta kópqabatty úıdegi páterlerdiń birinen úsh er adamnyń máıiti tabylǵanyn málimdedi.
«Aldyn ala málimetter boıynsha kináli tulǵa (marqumdardyń biri) qylmys jasaǵannan keıin ózine-ózi qol jumsaǵan. Qaıtys bolǵan er adamdardyń jeke basy anyqtaldy. Olardyń barlyǵy – Kýrchatov qalasynyń turǵyndary», - dedi ShQO PD basshysy Saǵat Madıev.
QR QK 99-baptyń 2-tarmaǵy boıynsha («Adam óltirý») sotqa deıingi tergeý bastaldy.
Ózge aqparat tergeý múddesine sáıkes jarııalanbaıdy.
Sonymen qatar, polıtsııa áleýmettik jelilerde jarııalanǵan qala kóshelerinde bolǵan oqıǵa týraly aqparat shyndyqqa janaspaıtynyn habarlady.
Avtor: Rýslan Shaqabaev
