Kýrchatovta kommýnaldyq kásiporyn 44 kásipkerdiń quqyǵyn taptap, 92,9 mln teńge aqysyn tólemeı kelgen

SEMEI.  KAZINFORM – Abaı oblysynda prokýratýra kásipkerler aldyndaǵy 43 mln teńgeden astam bereshektiń ótelýine yqpal etti. Bul týraly oblystyq prokýratýranyń baspasóz qyzmeti málim etti.  

— Kýrchatov qalasynyń prokýratýrasy 2024 jyldyń basynan bastap kommýnaldyq kásiporyndardyń biri 44 kásipkerdiń quqyqtaryn buzyp, jetkizilgen taýarlar úshin 92,9 mln teńge tólemegenin anyqtady, — dep jazdy prokýratýra.

Máselen, «Kýrchatov vodokanal» KMK 2024 jyly sý tazartýǵa arnalǵan reagentterdi jetkizgen kásipkerge 1,7 mln teńge tólemegen.

— Prokýratýranyń qadaǵalaý aktisi negizinde 8 bıznes sýbektisine 43 mln teńge kólemindegi bereshek tolyq óteldi. Qalǵan soma kásiporynnyń qarajat tapshylyǵyna baılanysty kezeń-kezeńimen óteletin bolady. KMK-nyń kásipkerler aldyndaǵy mindettemelerin oryndaýy Kýrchatov qalasy prokýratýrasynyń baqylaýyna alyndy. KMK-nyń kináli tulǵalar tártiptik jaýaptylyqqa tartyldy, — delingen habarlamada.

Eske sala keteıik, buǵan deıin «Kýrchatov Vodokanal» tazartylmaǵan káriz sýyn Ertiske júıeli túrde aǵyzyp kelgenin jazǵan edik.