Kýrchatovta 2032 jylǵa deıin 700 MVt elektr stansasy salynady
ASTANA. KAZINFORM — Úkimet Kýrchatovta qýaty 700 MVt elektr stansasyn salý jónindegi 881 mlrd teńgelik ınvestıtsııalyq kelisimdi maquldady.
Memleket basshysy Qasym-Jomart Toqaevtyń kómir generatsııasyn damytý jónindegi tapsyrmalaryn oryndaý sheńberinde Qazaqstan Respýblıkasynyń Úkimeti QR Energetıka mınıstrligi men «GRES Kýrchatov» JShS arasyndaǵy Abaı oblysynyń Kýrchatov qalasynda qýaty 700 MVt kondensatsııalyq elektr stansasyn salý jónindegi ınvestıtsııalyq kelisimdi maquldady.
Premer-mınıstr Oljas Bektenov tıisti qaýlyǵa qol qoıdy.
Joba Kýrchatov qalasyn odan ári damytýdyń energetıkalyq negizine aınalady. Munda iri ǵylymı ınfraqurylym nysandary — Ulttyq ıadrolyq ortalyq, ıAdrolyq tehnologııalar parki, zertteý reaktorlary, zerthanalar jáne qazaqstandyq termoıadrolyq KTM tokamak shoǵyrlanǵan.
Jańa stansanyń quny — 881 mlrd teńge. Joba jeke ınvestıtsııalar esebinen júzege asyrylady. Árqaısysynyń qýaty 350 MVt bolatyn eki energııa blogyn kezeń-kezeńimen 2032 jylǵa deıin paıdalanýǵa berý josparlanyp otyr. Elektr stansasy iske qosylǵannan keıin jylyna 5 mlrd kVt·saǵ deıin elektr energııasyn óndire alady. Joba aıasynda shamamen 4,4 myń jumys ornyn ashý kózdelgen.
Nysan «taza kómir» tehnologııalaryn qoldana otyryp, joǵary qysym men temperatýra jaǵdaıynda jumys isteýge arnalǵan zamanaýı bý energetıkalyq jabdyqpen jaraqtandyrylady.
Qorshaǵan ortaǵa jaǵymsyz áserdi azaıtý maqsatynda joba Ekologııalyq kodeksi men eń úzdik qoljetimdi tehnıkalar talaptaryna sáıkes gaz tazartý, shyǵaryndylardy súzý jáne shańdy basý júıelerin qamtıdy.
Jobany júzege asyrý qaladaǵy elektrmen qamtýdyń sapasy men turaqtylyǵyn arttyryp, ǵylymı, ónerkásiptik jáne qalalyq ınfraqurylymdy odan ári damytý úshin qosymsha elektr óndirýge múmkindik beredi.
