Kýrchatov polıgonynan metall urlaǵandar ustaldy
ÓSKEMEN. QazAqparat - Kýrchatovtaǵy polıgon aýmaǵynan metall urlamaqshy bolǵan top ustaldy, dep habarlaıdy QazAqparat tilshisi.
Kýrchatov qalasynyń №3514 áskerı bóliminiń avtopatrýli polıgon aýmaǵynan metall daıyndap jatqan bes adamnyń ústinen túsken. QR Ulttyq ulanynyń «Shyǵys» óńirlik qolbasshylyǵyna qarasty 3514 áskerı bóliminiń baspasóz qyzmeti osyndaı aqparat taratty. Kezekti patrýldeý kezinde jasaq beıtanys kóliktiń izine túsedi. Keıin onyń radıatsııasy joǵary aýmaqtan metall bólshekterin alyp shyqpaq bolǵany anyqtaldy.
«Kezinde 600-den astam ıadrolyq synaq júrgizilgen polıgonnyń 20 myń sharshy shaqyrym aýmaǵy 2010 jyldan beri arnaıy áskerı komendatýranyń kúzetine alynǵan. Áskerı qaraýyl aýmaqqa bógde adamdardyń kirmeýin jáne qandaı da bir zatty alyp shyqpaýyn qadaǵalaıdy. Óıtkeni polıgon aýmaǵyndaǵy kez kelgen zat densaýlyqqa zııandy bolýy múmkin. Tipti sala mamandary da bul aýmaqqa Ulttyq ıadroldyq ortalyqtyń arnaıy ruqsatymen jiberiledi, - deıdi 3514 áskerı bóliminiń shtab basshysy Medet Oralov.
Ustalǵan azamattarǵa qatysty hattama toltyrylǵan. Olardyń isin endi quqyq qorǵaý organdary tekseretin bolady
