Kýrchatov qalasynyń ákimi ómirden ótti
ÓSKEMEN. QazAqparat - Kýrchatov qalasynyń ákimi Almas Ońdaǵanov 45 jasynda aýyr naýqastan kóz jumdy, dep habarlaıdy QazAqparat tilshisi Facebook-tegi jazbaǵa silteme jasap.
Almas Amanqoluly Ońdaǵanov 1974 jyldyń 30 qazanynda Almaty qalasynda dúnıege kelgen.
1995 jyly Jambyl gıdromelıoratıvti-qurylys ınstıtýtyn «Agroónerkásip kesheni salalaryndaǵy ekonomıka jáne basqarý» mamandyǵy boıynsha aıaqtaǵan. 1999 jyly Almaty qalasyndaǵy QR Prezıdenti janyndaǵy memlekettik basqarý Akademııasynda bilim alyp, «Memlekettik basqarý» mamandyǵyn meńgerip shyqty.
Eńbek jolyn Tarbaǵataı aýdany Aqjar aýylynda aýdandyq halyqty áleýmettik qorǵaý bóliminiń ınspektory bolyp bastady. Ártúrli jyldarda energetıka mınıstrligi qurylymdarynda, ShQO ákimdigi, Kýrchatov qalasynyń ákimdigi apparatynda túrli qyzmetter atqardy.
