Kýrchatov qalasyndaǵy shaǵyn bazarda jarylys boldy

ASTANA. QazAqparat - Kýrchatov qalasyndaǵy shaǵyn bazarda jarylys boldy, dep habarlaıdy QazAqparat polisia.kz telegram arnasyna silteme jasap.

12 qarasha kúni saǵat 9.35-te Kýrchatov qalasy polıtsııa bóliminiń 102 jedel arnasyna «Jaılaýbaı» shaǵyn bazarynyń ǵımaratynda gaz-aýa qospasynyń tutandyrǵyshy atylǵany týraly habarlama tústi.

Kýrchatov qalasy tótenshe jaǵdaılar bóliminiń málimeti boıynsha bul oqıǵanyń negizgi sebebi – gaz-aýa qospasynyń tutandyrǵyshy. Qazir tergeý júrip jatyr.

«Jaılaýbaı» bazarynyń ǵımaraty zardap shegip, sol mańdaǵy turǵyn úıdiń birneshe terezesi zaqymdanǵan.

Sondaı-aq, kóshede turǵan er adam zardap shekti, jaǵdaıy qanaǵattanarlyq.

Polıtsııa qyzmetkerleri oqıǵa ornyn qorshaýǵa aldy.