Kýrchatov Abaı oblysyndaǵy eń qaýipsiz qala dep tanyldy

KÝRChATOV. QazAqparat – Abaı oblysynyń Kýrchatov qalasy eń qaýipsiz qala dep tanyldy. Bul týraly «Habar 24» telearnasy eldiń Іshki ister mınıstrligine silteme jasap málim etti, dep habarlaıdy QazAqparat.

Semeı ıadrolyq polıgonynyń ortalyǵy bolǵan shaǵyn shahardaǵy barlyq turǵyn úı men áleýmettik nysandarǵa beınekamera ornatylǵan. Bul óz kezeginde qalada qylmys sanynyń azaıýyna yqpalyn tıgizgen. 2022 jyldyń 6 aıynda qylmys 15 paıyzǵa tómendegen.

Qazir qalada 200-den astam beıkamera jumys istep tur, kelesi jyly taǵy 30-yn qoıý josparlanǵan.

«Qalamyzdaǵy 78 úıdiń barlyǵyna kamera ornatylǵan. Barlyǵy – 215. Mektepter men balabaqshalarda kamera qoıylǵan», - deıdi Kýrchatov qalasynyń ákimi Oleg Chýgýnkov.