Qurbysynyń úıinen 500 myń teńge urlaǵan jambyldyq ustaldy
TARAZ. QazAqparat – Jambyl oblysynda qurbysynyń úıinen 500 myń teńgesin urlap ketken kúdikti ustaldy, dep habarlaıdy QazAqparat tilshisi.
T.Rysqulov aýdanynyń polıtsııa bólimine B.Nýrpeısova esimdi azamatsha aryzdanyp, belgisiz bireý úıinen 500 myń teńgesin urlap ketkendigin habarlaǵan.
Atalǵan derek boıynsha QR QK-niń 188 baby 3-bóligi 3-tarmaǵymen sotqa deıingi tergep-tekserý bastalǵan.
«T.Rysqulov APB tergeý bólimshesiniń tájirıbeli jáne sapaly tergeý amaldarynyń júrgizýiniń nátıjesinde 50 jastaǵy jábirlenýshiniń áriptesi ári qurbysy urlyq jasaǵany tolyqtaı dáleldenip, qylmystyq is sotqa joldandy»,-delingen oblystyq polıtsııa departamentiniń baspasóz qyzmetiniń habarlamasynda.
