Qurban aıtta HQKO-lar qalaı jumys isteıtini belgili boldy

ASTANA. KAZINFORM — Qurban aıt merekesine oraı 6 maýsym kúni HQKO-lar men MHQKO-lar jumys istemeıdi, dep habarlaıdy «Azamattarǵa arnalǵan úkimet» Memlekettik korporatsııasy.

— Qurmetti qyzmet alýshylar! Qurban aıt merekesine oraı 6 maýsym kúni HQKO-lar men MHQKO-lar jumys istemeıtinin habarlaımyz. 7 maýsym, senbi kúni azamattardy tek kezekshi ortalyqtar qabyldaıdy. Kezekshi ortalyqtar tizimin osy jerden qaraýǵa bolady, — delingen korporatsııa taratqan habarlamada.

Sonymen qatar 9 maýsymnan bastap barlyq ortalyqtar ádettegi jumys kestesine saı qyzmet kórsetedi.

Buǵan deıin «Azamattarǵa arnalǵan úkimet» MK Almaty fılıaly maýsym aıynan bastap qaladaǵy úsh kezekshi halyqqa qyzmet kórsetý ortalyǵy qyzmet alýshylardy qabyldaıtynyn habarlady.