Qurbandyqqa shalǵan qoıdyń tilinen altyn júzik shyqty - Qyzylorda oblysy
QYZYLORDA. QazAqparat - Qyzylorda oblysy Shıeli aýdanynyń turǵyny qurbandyqqa shalǵan qoıdyń tilinen altyn júzik shyqqan. Bul týraly aýdan ákiminiń baspasóz qyzmeti habarlady.
Ábdirahman Ybyraev qurban aıt qarsańynda bazarǵa baryp, qurbandyqqa shalýǵa mal alady. Bazardan alǵan malyn ákesiniń úıine ákelip, qurban aıtqa baǵyshtap shalady.
Mal etiniń úshten birin jáne basyn shańyraqqa alyp qalyp, qalǵanyn joq-jitikterge taratyp beredi. Basyn úıitip bolyp, jaǵyn aıyryp, tisin qaqqaly jatqanda kútpegen jaǵdaıǵa tap bolady. Qoıdyń tiline altyn júzik jabysyp tur eken. Tildiń ortasyndaǵy oıyqqa siresip qatyp qalǵan.
«Shamasy qozy shaǵynda qoldan sút bergendikten be, áıteýir, jabysqanyna biraz ýaqyt bolǵan. Bálkim, altyn júzik sol kezde saýsaqtan syrǵyp túsip tilge baılandy ma, belgisiz», - deıdi Á.Ybyraev.
