Qurbandaryn betonnyń ar jaǵyna qalap tastaǵan qaraǵandylyqtarǵa úkim shyqty
QARAǴANDY. QazAqparat - Qaraǵandy oblystyq qylmystyq ister jónindegi mamandandyrylǵan aýdanaralyq sotynda 29 jastaǵy azamatty birneshe jerden pyshaqtap, bank kartasyn alyp ketken eki qylmyskerge úkim shyqty. Er adam alǵan jaraqattary saldarynan oqıǵa ornynda kóz jumǵan, al onyń denesin qylmyskerler úılerdiń biriniń jertólesine betondap tastaǵan, dep habarlaıdy QazAqparat tilshisi.
«Sýdıa Qaırat Qasymovtyń úkimine sáıkes, sottalýshylardyń biri 20 jylǵa bas bostandyǵynan aıyrylyp, jazasyn qylmystyq-atqarý júıesiniń qaýipsizdigi asa joǵary mekemesinde óteıtin bolady. Ekinshi sottalýshy 19 jyl bas bostandyǵynan aıyrý jazasyna kesildi. Ol jazasyn qylmystyq-atqarý júıesiniń qaýipsizdigi barynsha joǵary mekemesinde óteıdi», - dep atap ótti Qaraǵandy oblystyq qylmystyq ister jónindegi mamandandyrylǵan aýdanaralyq sotynyń baspasóz qyzmetinen.
Eske salaıyq, osy jyldyń kókteminde turǵyn úılerdiń biriniń jertólesinen Temirtaý qalasynyń iz-túzsiz joǵalyp ketken turǵynynyń denesi tabyldy. Ony qylmyskerler betonnyń ar jaǵyna qalap tastaǵan.
