Qurbandar bar: Japonııada jedel járdem tikushaǵy teńizge qulady

ASTANA. KAZINFORM — 6 sáýirde Tsýsıma aralynyń mańyndaǵy teńizden japondyq jedel járdem tikushaǵy tabyldy. Bul týraly NHK telearnasy habarlady.

Құрбандар бар: Жапонияда жедел жәрдем тікұшағы теңізге құлады
Фото: Видеодан алынған кадр

Tikushaq bortynda naýqastar men dárigerlerdi qosqanda alty adam bolǵany habarlandy. Olardyń úsheýi kóz jumǵan.

Japonııa jaǵalaý kúzeti habarlaǵandaı, bir kún aldyn túste ushaq dıspetcherlerimen baılanys úzilgen. Ol kezde tikushaq Tsýsıma áýejaıynan Fýkýoka prefektýrasyndaǵy aýrýhanaǵa bara jatqan.

Jedel járdem shaqyrylǵan aýrýhana tikushaq áýege kóterilgennen keıin on mınýttan soń baılanys úzilgenin málimdegen.

Jaǵalaý kúzeti apattyń mán-jaıyn anyqtap jatqanyn habarlady. Keıinirek tergeýge Japonııanyń kólik qaýipsizdigi keńesiniń tergeýshileri qosylady dep kútilýde.

Aıta keteıik, AQSh-ta jedel járdem tikushaǵy apatqa ushyrap, úsh adam qaza tapqanyn jazǵan edik.

Qosa keteıik, Fıladelfııada sanıtarlyq avıatsııa ushaǵy apatqa ushyraǵan edi. Apat saldarynan 7 adam qaza tapqan.

 

Сейчас читают