Qurbandar bar: Túrkııada taǵy bir kýrorttyq qonaqúı órtendi
ASTANA. KAZINFORM – Túrkııanyń Býrsa provıntsııasynda Ýlýdag taý shańǵysy kýrortyndaǵy qonaqúı órtenip, birneshe adam qutqaryldy. Oqys oqıǵa kezinde opat bolǵandar da bar. Qazirgi ýaqytta órt tolyqtaı sóndirilgen. Bul týraly CNN Turk arnasy habarlady.
Tilsiz jaý bıylǵy jyldyń qańtarynda týrıstik qyzmetke jaramsyz bolǵandyqtan jabylǵan qonaqúıde bolǵan. Qonaqúı sertıfıkatynyń merzimi ótip ketken, al onyń bıznes lıtsenzııasyn mýnıtsıpalıtet uzartpaǵan.
Býrsa mýnıtsıpalıtetiniń meri Mustafa Bozbeı telearnaǵa tikeleı efırde órt sóndirýshilerdiń oqıǵa ornyna dereý jetkenin aıtty. Suhbat kezinde ol tórt adamnyń qutqarylǵanyn, sondaı-aq bir ólim týraly habarlady.
Sabah basylymy qaza tapqandar sany 2 adamǵa jetkenin málimdedi.
– Tótenshe jaǵdaı saldarynan shańǵyshy Berkin Ýsta men onyń ákesi, Túrkııa shańǵy jáne snoýbord muǵalimderi qaýymdastyǵynyń prezıdenti bolǵan ıAhıa Ýsta qaıtys boldy. Berkin ustanyń anasy Fıkrıe Ýsta es-tússiz aýrýhanaǵa jetkizildi, - dep habarlady basylym.
Uludağ'da işletme belgesi olmadığı için kapatılan otelde çıkan ve ekiplerin müdahalesiyle kontrol altına alınan yangına ilişkin son gelişmeler ⤵️
— Anadolu Ajansı (@anadoluajansi) March 27, 2025
• 2 kişi hayatını kaybetti
• Bursa Cumhuriyet Başsavcılığınca bilirkişi oluşturulması talimatı verildi
• Olay yerine savcı… pic.twitter.com/nArji4IaE1
Órt kezinde ǵımaratta 12 adam bolǵan. ıAhıa Usta men onyń uly Berkinniń qaıtys bolǵanyn basqa da BAQ kózderi rastady.
Qazirgi ýaqytta órt týraly habarlama saǵat 05:29-da túskeni, tez arada qyzyl jalyn sóndirilip, oqıǵa ornynda 25 tehnıka men 60 adam jumys istegeni belgili boldy.
Aıta keteıik, qańtar aıynda Túrkııadaǵy qonaqúıden shyqqan órtten bir otbasynan 14 adam qaza tapqan bolatyn. El prezıdenti Erdoǵan olardyń jaqyndary men týystaryna kóńil aıtty.
Túrkııanyń Bolý provıntsııasyndaǵy Kartalkaıa taý shańǵysy kýrortyndaǵy qonaqúıdegi órtten 79 adam qaza tapty.
Qosa keteıik, Túrkııanyń Alanıa qalasynda salynyp jatqan qonaqúı ǵımaratynda da órt bolyp, eki saǵattan soń tolyqtaı sóndirilgen edi.