Qurban aıtta elordalyqtar úshin birneshe mal soıý pýnkti qyzmet kórsetedi

NUR-SULTAN. QazAqparat – Bıyl Qurban aıt 9-11 shilde kúnderine kelip tur. Qasıetti merekeniń alǵashqy kúni tańerteńnen bastap elorda meshitterinde «Aıt namazy» oqylady. Bul týraly qalalyq din isteri basqarmasynyń basshysy Nurdáýlet Álmuhanov málim etti, dep habarlaıdy QazAqparat astana ákimdiginiń resmı saıtyna silteme jasap.

Nur-Sultanda bekitilgen mal soıý oryndarynda qurbandyq shalý saǵat 8:00-den 18:00-ge deıin ótedi. Sondaı-aq, bul rásimdi «QURBAN2022.kz» - Qazaqstan musylmandary dinı basqarmasynyń saıty arqyly da onlaın jasaýǵa bolady.

Mal soıý oryndary kelesi mekenjaıda ornalasqan.

Baıqońyr aýdany boıynsha:

1. «Jaılaý» bazary, Alash tas joly, S 313 kóshesi («Sharyn» bazarynyń art jaǵy)

2. «Shanhaı» bazary, Alash tasjoly, 34/6 («Kók bazar» bazarynyń art jaǵy)

3. «Shopan ata» bazary, («Rýbıkom» jáne Ámir bazarynyń ortasy)

4. «Barakat» bazary, A 369 kóshesi, №10 ǵımarat

5. «Sháýshen» sharýa qojalyǵy, Alash tasjoly, 136 B

6. «Temesh» sharýa qojalyǵy, Aınalma jol, 229, 1a

Saryarqa aýdany boıynsha:

1. «Uljan» ámbebap bazary, N. Tilendıev kóshesi, 24 (burynǵy «Saıanur» bazary)

Qurban aıt kúnderi qurbandyq shalý jáne taǵy basqa da saýaldar boıynsha aqparat alý úshin táýlik boıy «109» Call-ortalyǵy jumys isteıdi.

Foto: gov.kz