Qurban aıtta elordadaǵy muqtaj otbasylarǵa et tegin taratylady
«Qazirgi tańda qala ákimdigi qurbandyq shalýǵa bolatyn 7 oryndy bekitti. ıAǵnı, olardyń bári de tıisti talaptarǵa saı oryndar. Osy 7 núktede qala boıynsha qurbandyq shalý rásimderi ótedi», - dedi Nur-Sultan qalalyq qoǵamdyq damý isteri basqarmasynyń bólim basshysy Ádilet Tóleýtaev elorda ákimdiginiń baspasóz ortalyǵynda.
Onyń aıtýyna qaraǵanda, qurbandyq shalýdyń bekitilgen erejelerin eskere otyryp, 5 tamyzdan bastap Áziret Sultan meshitinde qasapshylarǵa arnalǵan oqytý semınarlary ótkizilýde. Imamdar Sharıǵat zańy boıynsha, al tıisti mamandar sanıtarlyq normalar boıynsha qasapshylardy oqytyp jatyr. Trenıng 11 tamyzǵa deıin jalǵasady.
«Osy ýaqytqa deıin mal soıatyn 7 orynǵa tekserý jumystary júrgizildi. Sanıtarlyq normalar men qaýipsizdik erejelerine saı kelýine tekseris ótkizilip, olardyń mal soıýǵa daıyn ekeni belgili bolyp otyr. Mereke qarsańynda áleýmettik jaǵdaıy tómen otbasylarǵa mal etin taratý jumystary júrgiziledi. Kómekke muqtaj adamdardyń tizimi jasalýda. 11 tamyz kúni kómekke muqtaj otbasylarǵa qurbandyqqa shalynatyn mal eti kúıinde kómek kórsetiledi», - dedi Ádilet Tóleýtaev.
Basqarma ókili óz sózinde qala boıynsha mal baǵasynyń negizsiz kóterilýine jol berilmeıtinin aıtady. Bul rette ákimdik tarapynan qatań baqylaý qolǵa alynbaq. Osy maqsatta mal bazary basshylyqtary túsindirý jumystaryn júrgizdi. Bekitilmegen oryndarda da maldyń soıylmaýyna erekshe mańyz beriledi.
Nur-Sultandaǵy negizgi qurbandyq shalý oryndary:
Almaty aýdany
«Metro» saýda ortalyǵy, Astana-Qaraǵandy tas joly.
Baıqońyr aýdany
«Nurbereke-555» JShS, Alash tasjoly 30, Rýbıkom bazary men Ámire saýda úıiniń ortasy;
«Shaýshen» sharýa qojalyǵy, Astana-Pavlodar tasjolynyń 9-shy shaqyrymy;
«Temesh» sharýa qojalyǵy, Astana-Sofıevka tasjolynyń 7-shaqyrymy.
Esjanov jeke kásibi, «Jaılaý», Alash tasjoly, Ts 313 kóshesi;
Saryarqa aýdany
«Uljan» ámbebap bazary (burynǵy Saıanur).
Esil aýdany
«Altyn-Taǵa» bazary Qosshy aýylynyń aldy,
Aıta ketsek, Oraza aıt meıramynan 70 kún ótkennen keıin bastalatyn Qurban aıt ta jaqyndap keledi. Osyǵan oraı, Qazaqstan musylmandary dinı basqarmasy Qurbandyq shalý barysynda oryndalýy tıis talaptardy ataǵan bolatyn. Bıyl merekeniń alǵashqy kúni 11 tamyzǵa sáıkes keledi.
