Qurban aıtta bir kún demalamyz
ASTANA. QazAqparat - Bıyl Qurban aıttyń birinshi kúni 4 qazan, senbi kúnine týra keledi. Buǵan qaramastan, demalys kúni kelesi jumys kúnine kóshirilmeıdi.
QR «Merekeler týraly» zańyna sáıkes Qurban aıt pen Rojdestvo dinı merekeler bolyp sanalady, al demalys kúnimen sáıkes kelgende tek ulttyq jáne memlekettik merekeler ǵana aýystyrylady. Osylaısha, qazaqstandyqtar bir kún ǵana demalady. Bul týraly astana.kz saıtyna QR Úkimetiniń baspasóz qyzmetinen habarlady.
Qurban aıt qajylyqtyń aıaqtalýy men qurbandyq shalý merekesi. Mereke Ramazan aıynan keıin 70 kún ótken soń úsh kún boıy toılanady. Musylman qaýymy qoı, sıyr nemese túıeni qurbandyqqa shalyp, jetimderge, turmysy tómen otbasylarǵa jáne qart adamdarǵa taratady.
Merekeniń birinshi kúni meshitterde Aıt namazy oqylady, adamdar bir-birin merekemen quttyqtap, dastarhanǵa shaqyrady.
