Qurban aıtqa oraı Ystambul avtovokzalynda bılet tapshy
ASTANA. QazAqparat - Qurban aıt qarsańynda Ystambul avtovokzalynda qarbalas jolaýshy da qalyń. Sebebi bıletter kúni buryn satylyp ketken.
Merekege erte qamdanǵandar avtobekette alańsyz otyrsa, aıaqasty jolǵa shyqqandar áýre-sarsań, dep habarlaıdy 24.kz.
Bıyl Túrkııada ulyq meıramdy atap ótý úshin 9 kún demalys berildi. Sondyqtan halyqtyń deni osy Qurban aıtta týǵan jerlerine, aýyldaǵy aǵaıyndaryna qydyryp barmaq. Bul kúnderi Ystambul qalasynyń bir ǵana ortalyq avtovokzalynan 10 mıllıondaı jolaýshy qatynaıdy. Osy jaǵdaıǵa baılanysty ákimshilik avtobýs sanyn 8 jarym myńǵa deıin kóbeıtken.
«Jolaýshylardyń kóptiginen birneshe baǵyt boıynsha qosymsha avtobýs engizdik. Biraq qarap otyrmyz, ol da jetkiliksiz eken. Negizinen biz jaı kúnderi 70-80 avtobýsty jolǵa shyǵaratynbyz, al qazir ony 120, 150, 200-ge deıin arttyrdyq»,-deıdi avtobýs fırmasynyń úılestirýshisi Osman Erıshan.
