Qurban aıtqa oraı «Nur-Astana» meshitinde tegin kitaptar taratyldy
TANA. 5 qarasha. QazAqparat - Elordadaǵy «Nur-Astana» meshitinde Shámshat Ádilbaevanyń «Hadıs - ǵurpymyz, súnnet - saltymyz», Smaıyl Seıtbekovtyń «Iman negizderi» kitaptary men «Qurban aıt» kitapshasy musylmandardyń ulyq merekesi Qurban aıtqa baılanysty tegin taratyldy,
dep habarlady «Islam mádenıeti men bilimin qoldaý qory».
QR Prezıdentiniń bastamasymen 2010 jyly qurylyp, jumys atqaryp kele jatqan «Islam mádenıeti men bilimin qoldaý qory» Qazaqstan úshin dástúrli ıslamnyń hanafı mazhabyn túsindirip taratý boıynsha belsendi jumystar atqarýda. Qor ózi jumysynyń alǵashqy jylynda-aq, 26 atalymmen 1 mln. 98 myń dana kitap pen kitapshalardy jaryqqa shyǵardy. Shyǵarylǵan barlyq kitap Qazaqstan musylmandary dinı basqarmasyna jiberilip, meshitter arqyly búkil respýblıka aýmaǵyna taratyldy, sonymen qatar memlekettik mekemelerge óz jumystarynda paıdalaný úshin jiberildi.
Osyndaı úrdisti dástúrge aınaldyryp, Qazaqstan musylmandary arasynda dástúrli ıslam dini týraly jazylǵan ádebıetterdi turaqty túrde taratyp kele jatqan «Islam mádenıeti men bilimin qoldaý qory» búgin de Astana qalasyndaǵy «Nur-Astana» meshitiniń namazhandaryna qor tarapynan shyǵarylǵan sońǵy ádebıetterinen musylmandardyń ulyq merekesi - Qurban aıtqa baılanysty taǵy da tegin taratýda.
