Qurban aıtqa arnaıy demalys kúni berilmeıdi

NUR-SULTAN. QazAqparat – Qurban aıtqa arnaıy demalys kúni berilmeıdi. Bul týraly Eńbek jáne halyqty áleýmettik qorǵaý mınıstrliginiń resmı saıtynan málim boldy.

Onda kórsetilgen málimetterge qaraǵanda, «Qazaqstan Respýblıkasyndaǵy merekeler týraly» Qazaqstan Respýblıkasy Zańynyń 5-babyna sáıkes Qazaqstandaǵy merekeler jumys istemeıtin kúnder bolyp tabylady.

Eger demalys jáne mereke kúnderi sáıkes kelse, demalys kúninen keıingi kelesi jumys kúni demalys bolyp tabylady.

Sonymen birge, QR Eńbek kodeksiniń 84-babyna sáıkes, Qurban aıttyń birinshi kúni demalys kúni bolyp tabylady. Bıyl ol jeksenbi - 11 tamyzǵa keledi.

Alaıda, Qurban aıt memlekettik jáne ulttyq merekeler tizimine enbeıdi jáne oǵan joǵarydaǵy zań normalary qoldanylmaıdy. ıAǵnı, eger jeksenbi Qurban aıt kúnine sáıkes kelse, odan keıingi kelesi jumys kúni demalys bolyp sanalmaıdy.