«Qurban aıt meıramynyń jamaǵat arasyndaǵy birlikti kúsheıtip, baýyrlastyqty arttyrýdaǵy róli asa zor» - respýblıkalyq basylymdarǵa sholý

«Egemen Qazaqstan» gazetiniń habarlaýynsha, keshe EQYU-nyń Іs basyndaǵy tóraǵasy, Qazaqstan Respýblıkasy­nyń Memlekettik hatshysy - Syrtqy ister mınıstri Qanat Saýdabaev 1-2 jeltoqsanda Astanada ótetin aldaǵy Uıym Sammıtine arnalǵan EQYU Turaqty keńesiniń májilisine qatysty. Qazaqstan dıplomatııasynyń basshysy óziniń sózinde Prezıdent Nursultan Nazarbaev ústimizdegi jyl­dyń 14 qańtarynda EQYU-ǵa múshe memleketterge arnalǵan beı­ne­úndeýinde málimdegen tóraǵa­lyq­tyń kókeıkesti máselelerine oraı atqa­ryl­ǵan jumystarǵa qys­qasha toqtal­dy. Qazaqstan EQYU-nyń "saıası menedjeri" retinde Uıymǵa barlyq qatysýshylardyń pikirleri men múddelerin eskerý jáne EQYU-nyń úsh ólshemi tepe-teńdigin qamtamasyz etý turǵy­synan kóringenin erekshe atap aıtty. Uıymnyń Іs basyndaǵy tóraǵasynyń pikirinshe, Qazaq­stan­ǵa Memleket basshysy usyn­ǵan tóraǵa­lyq­tyń 4 urany - Se­nim, Dástúr, Ashyqtyq, Tózim­dilikke tolyq kó­leminde sáıkes kelý múmkin bolǵan. Sóıtip, elimiz EQYU qoǵamdastyǵy kórsetken senim údesinen shyǵa bilgen. Bul jóninde tolyǵymen «Egemen Qazaqstannyń» búgingi sanynda jarııalanǵan «Vena Astana Sammıtine qyzý daıyndyq ústinde» degen maqaladan bile alasyzdar.

Sondaı-aq osy basylymnyń búgingi nómirinde «Qazaq dzıýdosy: Kúngeıi men kóleńkesi» atty maqala da berilip otyr. Endi elimizdegi dzıýdonyń jaǵ­daıyna toqtalaıyq. Byltyr eresek­ter arasyndaǵy Qazaqstannyń tuń­ǵysh álem chempıony Maksım Rakov­tyń jeńisimen mereılengen bizdiń dzıýdo quramasy 2010 jylǵy álem chempıonatynan júldesiz qaıtty. Dzıýdo Qazaq eline 1972-1973 jyl­da­ry kelse, sodan beri 1 álem chem­p­ıo­nyn, álem chempıonatynyń 2 qola júldegerin (Ashat Shaharov, Ashat Jetkeev, 2001 jyl) baptaǵan eken­biz. Shyndyqtan qashyp qutylmaı­syń, bary osy. Halqynyń sany 5 mln.-ǵa jetpeıtin Grýzııa táýelsizdik jyldarynda ǵana - 1 altyn, 6 kúmis, 8 qola; ózbekter - 1 altyn, 1 kúmis, 4 qola; 2-aq mln. halqy bar Monǵolııa - 1 altyn, 1 kúmis, 4 qola; Ýkraına - 1 altyn, 4 kúmis, 4 qola; kishkentaı ǵana Estonııa - 3 kúmis, 1 qola; Ázir­baı­jan - 2 kúmis, 7 qola; Belarýs - 2 kúmis, 6 qola júldege ıe bolypty.

***
«Aıqyn» gazeti Elbasynyń Almatyǵa jasaǵan jumys sapary barysynda elimizdegi bilim qarashańyraǵynyń biri bolyp esepteletin Qazaq Ulttyq agrarlyq ýnıversıtetiniń 80 jyldyq mereıtoıyna oraı, ýnıversıtetke at basyn tirep, ondaǵy birqatar saltanatty is-sharalarǵa qatysqanyn áńgimeleıdi. Bul jaıynda basylymnyń búgingi sanyndaǵy «Nursultan Nazarbaev: Aýyldy kótermeı, halyqtyń deńgeıin kótere almaımyz» degen maqalada egjeı-tegjeıli jazylǵan. «80 jyldyq merekelerińiz qutty bolsyn dep, arnaıy quttyqtap keldim. Tabysty bolyńyzdar. Osy oqyp jatqan jigitter men qyzdardyń bári aýylǵa barady dep senim bildiremin. Sebebi men barlyq ýnıversıtetterge barǵanda, aýylǵa muǵalim, dárigerlerdi shaqyryp jattym ǵoı. Aýylǵa eki jyldyń ishinde bir jarym myń bala bardy. Barlyǵyna jaǵdaı jasap jatyr. Aýyldy kótermeı, aýyldy saýattandyrmaı, aýyldaǵy balalardy bilimdi etpeı, jalpy qazaq degen halyqtyń deńgeıin kótere almaımyz. Sizderdiń ýnıversıtetterińiz osynyń báriniń dińgegi, - dedi Nursultan Nazarbaev», - delingen maqalada.

«Aıqynnyń» búgingi sanynda «16 qarasha - Qurban aıttyń alǵashqy kúni» degen taqyryppen Sheıh Ábsattar Qajy Derbisáli, Qazaqstan musylmandar dinı basqarmasy jáne Orta Azııa múftıleri keńesiniń tóraǵasy, Bas múftıdiń osy ulyq merekege arnalǵan quttyqtaýy jarııalanyp otyr. «Allany bir, Muhammed (s.ǵ.s.) paıǵambardy haq dep biletin musylman balasy úshin Jaratýshymyz belgilep bergen eki meıramnyń ulyǵy - Qurban aıt kúnderine de jettik. Alla taǵalanyń razylyǵy úshin mal shalynyp, keń dastarhan jaıylyp, eńbektegen sábıden eńkeıgen kárige deıin shat-shadyman qýanyshqa bólenetin bul ulyq meıram Qazaqstan jurtshylyǵyna da yrys pen bereke ákelsin!»,-delingen Dinbasynyń quttyqtaýynda. Bul kúnderdiń ulyqtyǵy sol - munda adam balasy óz Jaratýshysyna barynsha jaqyndaı túsýge tamasha múmkindik alady. Asyly, «Qurban» sózi de arab tilinen aýdarǵanda, «jaqyn bolý», «jaqyndaý» maǵynasyn bildiredi. Olaı bolsa, qurbandyq shalýdy tek mal soıyp, qan shyǵarý emes, Allanyń rahym-meıirimine qol jetkizýdiń bir joly dep túsingen abzal. «Qurban aıt meıramynyń jamaǵat arasyndaǵy birlikti kúsheıtip, baýyrlastyqty arttyrýdaǵy róli asa zor. Aıt namazyn oqýǵa meshitke kelgen musylmandar bir-birimen kórisip, quttyqtasýy arqyly dostyq pen aǵaıyndyqty nyǵaıta túsedi. Merekeniń alǵashqy kúni erterek turyp, ǵusyl alyp, taza kıim kıip, hosh ıisti átir seýip, kóshede jolyqqan adamǵa ashyq júzben sálemdesý, qurbandyq etimen aýyz ashý úshin aıt namazynyń aldynda eshteńe jemeı, oǵan bara jatqanda tákbir aıtý hazreti - Muhammed (s.ǵ.s.) paıǵambarymyzdyń súnneti»,-deıdi Sheıh Ábsattar Qajy Derbisáli.

***

«Kazahstanskaıa pravda» basylymynyń habarlaýynsha, qalalyq qyzmetter EQYU Sammıtine qatysýshylardyń medıtsınalyq jáne epıdemıologııalyq qaýipsizdigin joǵary deńgeıde qamtamasyz etýge daıyn. Sammıtke qatysýshylar úshin medıtsınalyq qyzmet kórsetý turǵysynda Astanada 44 medıtsınalyq uıymmen, 83 avtokólik jáne 659 medıtsınalyq qyzmetker jumyldyrylmaq. Barlyq aýrýhanalar men klınıkalar dári-dármekpen tolyq kólemde qamtamasyz etilgen. Qalalyq densaýlyq saqtaý basqarmasynyń bastyǵy Dáýlethan Esimovtyń sózine qaraǵanda, sammıt kezinde elorda turǵyndary úshin medıtsınalyq qyzmet kórsetý burynǵy qalpynda júzege asyrylady. Bul jaıynda tolyǵymen bilgińiz kelse, basylymdaǵy «Medslýjby k sammıtý gotovy» atty maqalaǵa kóz júgirtińiz.