Qurban aıt meıramyna baılanysty respýblıkanyń túzeý mekemelerinde is-sharalar ótedi
ASTANA. Qarashanyń 26-sy. QazAqparat. /Ǵalymjan Hasenov/ - Erteń respýblıkanyń túzeý mekemelerinde Qurban aıt meıramyna oraı is-sharalar ótedi,
dep habarlady Ádilet mınıstrliginińQylmystyq atqarýjúıesikomıtetiniń (QAJK)baspasóz qyzmetinen.
Sottalǵandardyń din bostandyǵyna konstıtýtsııalyq quqyqtaryn júzege asyrý maqsatynda qazirgi kezde respýblıkanyń penıtentsıarlyq júıesinde dinı ǵuryptardy atqarý úshin jeke turǵan 35 meshit pen shirkeý, sondaı-aq 175 ǵıbadat etý bólmeleri bar, dep atap ótken vedomstvonyń baspasóz qyzmeti.
Qurban aıt meıramyn toılaýǵa qatysty aıtsaq, ádettegideı, bul saltanatqa jergilikti ımamdar qatysady. Din basshylary sottalǵandardy tózimdilikke, adamdar arasyndaǵy dostyqty saqtaýǵa jáne nyǵaıtýǵa, jaqyndaryna degen qaıyrymdylyq pen qamqorlyqqa shaqyrady.
Astanada ornalasqan barlyq túzeý mekemelerinde elordalyq meshitterdiń ımamdary qurbandyqqa shalynǵan maldardyń etterin taratady.
Al Almatyda «Musylmandardyń As-salam» mádenı-aǵartý ortalyǵy» qoǵamdyq birlestiginiń ókilderi LA-155/4 áıelder kolonııasynda teatrlandyrylǵan qoıylym kórsetip, jazasyn ótep jatqan áıelder úshin merekelik dastarhan jaıady.
