Qurban aıt merekesinde Almatyda 14 polıtsııa beketi jumys isteıdi
ALMATY. QazAqparat - Almaty qalasynda Qurban aıt merekesinde 14 polıtsııa beketi jumys isteıdi, dep habarlaıdy QazAqparat tilshisi.
Almaty qalasynyń bas sanıtarlyq dárigeriniń 2020 jylǵy 23 shildedegi № 53 qaýlysyna sáıkes Almatyǵa kire beriste qalaǵa mal ákelýdiń aldyn alý úshin beketter uıymdastyryldy.
«Kólik, onyń ishinde mal tasýǵa bolatyn júk kólikteri toqtatylatyn bolady. Osyǵan baılanysty biz azamattardy zańǵa baǵynýǵa jáne eń aldymen koronavırýstyq ınfektsııany azaıtýǵa baǵyttalǵan talaptardy qatań saqtaýǵa shaqyramyz. Aldynda qurbandyq shalýdyń naqty algorıtmi jarııalanǵan bolatyn. Jahandyq pandemııa jaǵdaıynda ony ustanǵan durys, – dedi Almaty qalalyq Polıtsııa departamenti bastyǵynyń orynbasary Nurlan Almasbekov.
Bıyl Qurban aıt merekesi kezinde Almatyǵa mal kirgizýge, mal soıýǵa tyıym salynǵan bolatyn.
Bul týraly keshe qalanyń bas sanıtarlyq dárigeriniń qaýlysy shyqty.
