Qurban aıt kúnderi qurbandyqqa shalynatyn maldardy soıý arnaıy belgilengen oryndarda júrgiziledi - Astana qalasynyń ákimdigi
ASTANA. Qarashanyń 24-i. QazAqparat - Astana qalasynyń ákimdigi, musylmandardyń qasıetti Qurban aıt merekesindegi dinı rásimdi oryndaý (qurbandyq shalý) kezindegi tazalyq sanıtarlyq talaptaryn saqtaý maqsatynda, qurbandyq maldaryn satý jáne soıý arnaıy belgilengen oryndarda ǵana júrgiziletindigin habarlaıdy.
Qurbandyq maldaryn satý jáne soıý myna meken-jaılarda atqarylady:
Astana-Qaraǵandy tas joly, «Gelıos» janar-jaǵarmaı quıý stansysy janynda (Jeleznodorojnyı aýyly burylysynda, osy jerde qurbandyq maldary satylady jáne soıylady);
«Kóktal 2» yqshamaýdany, Saryózen kóshesi 1, «Baıan» kafesiniń jany (qurbandyq maly satylatyn oryn);
«Aqmola» qaıyrymdylyq mekemesi, Óndiris aýyly, Kýrsk kóshesi, 9 a (qurbandyq maly soıylatyn oryn).
Astana qalasy aýmaǵyndaǵy meshitter mańaıynda qurbandyq maldary satylmaıdy jáne soıylmaıdy.
