Qurban aıt: Qaraǵandyda qurbandyq shalatyn oryndar anyqtaldy
QARAǴANDY. QazAqparat – Qaraǵandyda Qurban aıt kezinde mal soıýǵa arnalǵan oryndar anyqtaldy. Qala boıynsha qurbandyq shalý úsh orynda ótedi, dep habarlaıdy QazAqparat tilshisi.
Qaraǵandyda mal soıýǵa arnalǵan úsh oryn anyqtaldy. Olar kelesi mekenjaılar boıynsha ornalasqan:
- Reznık kóshesi, 18 (JK A. Ábisheva)
- Gogol kóshesi, 2/23 («Araı KZ» JShS)
- S. Seıfýllın kóshesi, 53 («Hasenov» ShQ).
Aıta ketsek, bıyl Qurban aıttyń birinshi kúni 28 maýsymǵa keledi, mereke úsh kúnge sozylady.
Sondaı-aq, qurbandyqty saıt arqyly onlaın rejımde shalýǵa bolady. Qaraǵandylyqtar oflaın jáne onlaın qurban shalý týraly tolyǵyraq 8-702-131-03-12 telefony arqyly bile alady.
«Qurban aıtta biz muqtaj otbasylarǵa, sondaı-aq ótinish bergen uıymdarǵa, mysaly zaǵıptar qoǵamyna, qarttar úılerine jáne basqalarǵa qurbandyqqa shalynǵan maldyń etin taratamyz. Sondaı-aq, demeýshilerdiń kómegimen basqa da qaıyrymdylyq aktsııalary ótedi», - deıdi «Zeket jáne qaıyrymdylyq» qorynyń Qaraǵandy oblysy boıynsha ókili Mıras Qasymov.
Al, oblystyq sanıtarııalyq baqylaý departamentiniń mamandary Qurban aıt kezinde erejelerdi saqtaý kerektigin eske saldy.
«Qurban aıt» merekesine arnalǵan is-shara qarsańynda Qaraǵandy oblysynyń sanıtarııalyq-epıdemıologııalyq baqylaý departamenti qurbandyq shalý úshin janýarlardy qoldanystaǵy talaptarǵa sáıkes JAO-men kelisilgen soıý alańdary aýmaǵynda soıýdy, qurbandyq shalý oryndarynda úı-jaılar men irgeles aýmaqty dezınfektsııalaýdy, mal soıý oryndaryna sanıtarlyq óńdeý júrgizý, sanıtarııalyq-epıdemıologııalyq talaptardy saqtaý, sanıtarııalyq-veterınarııalyq talaptardy saqtaý, muqtaj adamdarǵa tez buzylatyn ónimderdi (qurbandyq maldarynyń etin) tasymaldaý jáne saqtaý kezinde sanıtarııalyq-epıdemıologııalyq qaǵıdalardyń talaptaryn saqtaý kerektigin eskertedi», - dep jazdy Qaraǵandy oblystyq SEBD áleýmettik jelilerdegi habarlamasynda.
