Qurban aıt izgilik pen meıirimdilik merekesi - «Nur-Múbárák» Mysyr Islam mádenıeti ýnıversıtetiniń magıstranty
ALMATY. Qarashanyń 26-sy. QazAqparat /Ádilet Musahaev/ - Qurban aıt meıramy kezinde biz birinshiden, Ibrahım á.s. súnnetin eske túsiremiz. Ekinshiden, Alla-Taǵalaǵa qurbandyq shalý arqyly shúkirshilik etetin bolamyz,
deıdi «Nur-Múbárák» Mysyr Islam mádenıeti ýnıversıtetiniń magıstranty, medrese ustazy Qýat Qabdolla.
Paıǵambar á.s. Qurban aıt kúnderinde Alla-Taǵalaǵa eń jaqsy amal bolyp eseptelinetin is - qurbandyq shalý. Óıtkeni, sol shalǵan qurbandyqtyń árbir tal qylshyǵynan saýap alasyń degen eken. Quranda da - «Senderdiń shalǵan qurbandyqtaryńnyń eti nemese qany Alla-Taǵalaǵa jetpeıdi, tek nıetteriń ǵana jetedi. Sender ony ishińder, jeńder sodan keıin kedeı-kepshikke de berińder», delingen.
«Qurbandyq shalý musylman jandarǵa, aýqatty adamdarǵa mindet bolyp eseptelinedi. Kedeı adamǵa qurbandyq shalý mindet emes, biraq shalyp jatsa, taratýdy qajet etpeıdi. Qurbandyq shalǵan soń bir bóligin ózine, ekinshi bóligin týǵan- týysqandaryna, úshinshi jartysyn joq-jitikke berý kerek, sonda ǵana saýap bolyp eseptelinedi. Qoıyńyzdy soıǵyzyp jatqan adamǵa terisin nemese ettiń osynshasy seniki dep aıtýǵa bolmaıdy, qasapshyǵa bólek eńbek berýińiz kerek. Etti, terini onyń eńbegine kirgizbegen jón. Sondaı-aq qurbandyq shalǵan kezde ony basqalarǵa tapsyrmaı, onyń basy-qasynda bolý kerek. Paıǵambarymyz qurbandyqtyń qany aqqan kezde seniń de kúnáń tógiledi degen», deıdi Qýat Qabdolla. Onyń aıtýynsha, bul adamǵa psıhologııalyq jaǵynan da paıdaly qurbandyq shalyp jatqan ýaqytta adamdar qarap tursa, agressııa, kek, renish sııaqty nárselerden jeńildep qalatynyn ǵalymdar da dáleldedi. Adam balasy jalpy qaıyrymdylyq jasaý arqyly, boıyndaǵy sarańdyq sıpatyn joıady. Onyń boıynda jomarttyq, janashyrlyq sezimi paıda bola bastaıdy.
