Qurban aıt atalyp ótiletin Zulhıdja aıy 7 qarasha kúni bastalady

Bıyl Zulhıdja aıy 7 qarasha men 6 jeltoqsan aralyǵyna sáıkes kelip tur. Naq osy aıda barsha musylmandar úshin qasıetti merekelerdiń biri - Qurban aıt bolady. Kúntizbesi boıynsha Zulhıdja aıynyń 9-shy kúni - Arafa, al 10-shy kúni Qurban aıt atap ótiledi.

Hadıs sharıfattarda Zulhıdja aıynyń alǵashqy on kúninde jasalatyn ǵıbadattardyń qadiri óte joǵary ekendigi aıtylǵan. Máselen, «bul kúnderi tutylǵan oraza - bir jyl oraza tutýmen, bir túnin ǵıbadatpen ótkizý - qadir túnin ǵıbadatpen ótkizýmen teń», «osy kúnderi jasalǵan árbir ǵıbadatqa 700 ese artyq saýap jazylady», sondaı-aq Allahtyń aldynda Zulhıdjanyń alǵashqy on kúninde jasalǵan ǵıbadattardan asatyn izgilik joq. Bul kúnderi tásbıhti (súbhan Alla), tahmıdti (álhamdúlıllah), tahlıldi (Lá ılaha ıllallah) jáne tákbirdi (Allahý ákbár) kóp aıtyńdar», delingen.

Hazireti Abýddar da bylaı buıyrady: Zulhıdja aıynyń alǵashqy toǵyz kúninde oraza tutý kerek, kóp sadaqa berip, duǵa etý kerek. Óıtkeni, rasýllýllah aleıhıssalam: «Bul on kúnniń ıgiliginen jáne berekesinen mahrum qalǵan adamǵa obal bolsyn» degen.

Aıta keteıik, Zulhıdja aıynyń 10-ynshy kúni, ıaǵnı 16 qarashada úsh kúndik Qurban aıt merekesi bastalady. QR «Eńbek týraly» zańynyń 96 baby 4 tarmaǵyna sáıkes, Qurban aıttyń birinshi kúni demalys bolyp tabylady.