Qurandy órteý «jaýapsyz, masqara áreket bolyp tabylady» - Hılları Klınton
ASTANA. Qyrkúıektiń 8-i. QazAqparat - Qurandy órteý «jaýapsyz, masqara áreket bolyp tabylady». Seısenbi kúni keshke memlekettik departamentte berilgen ıftarǵa qatysqan AQSh Memlekettik hatshysy Hılları Klınton osyndaı málimdeme jasady, dep habarlady ITAR-TASS agenttigi.
«Jańalyqtarda Geınsıll qalasynyń (Florıda shtaty) pastory qyrkúıektiń 11-inde Qurandy órteýdi josparlap otyrǵany týraly aıtylyp otyrǵanyn estip, biz bir adamdaı bas kóterip otyrmyz. Amerıkadaǵy barlyq din ókilderiniń jetekshileri - hrıstıan-evangelısterden bastap ravvınderge deıin, tipti zııaly qaýym ókilderiniń osynaý jaýapsyz, masqara áreketti aıqyn aıyptaýy maǵan rýh berip otyr», dep atap kórsetti AQSh-tyń memlekettik hatshysy. Klınton hanym sondaı-aq, «AQSh-tyń dinı tózýshilikti ustanatynyn» basa atap kórsetti.
Hılları Klınton óz sózinde «ótken aptada Taıaý Shyǵys boıynsha kelissózdi jandandyryp, biz eshqandaı qıyndyqqa qaramastan, ilgerileýshiliktiń múmkin ekenine jurttyń kózin jetkizdik», dep atap kórsetti.
