Qurandy órtegen pastor Terrı Djonsty shekarashylar Kanadaǵa kirgizgen joq
ASTANA. 12 qazan. QazAqparat - Kanadalyq shekarashylar beısenbi kúni óz aýmaǵyna Qurandy órteý aktsııalaryn ótkizgen amerıkandyq pastor Terrı Djonsty óz aýmaǵyna jibermedi.
Ol Ontarıo shtatyndaǵy Vındzor shekara beketinde toqtatyldy jáne onyń kóligi muqııat tekserildi. Djonspen ótkizilgen uzaq áńgimelesýden keıin shekarashylar oǵan Kanadaǵa kirýge ruqsat bermedi. Kanadadaǵy Azamattyq jáne kóshi-qon mınıstrliginiń ókilderi shekarashylardyń óz ókiletteriniń aıasynda áreket jasaǵanyn rastady.
Florıdalyq Greısvıll qalasynyń pastory musylmandardyń qasıetti kitabyn jurt aldynda talaı ret órtegen. 2011 jyldyń naýryzynda onyń Quranǵa jasaǵan «jurt aldyndaǵy soty» Aýǵanstanda ıslamnyń radıkaldy jaqtaýshylarynyń jappaı boı kóterýlerine sebep boldy. Onda 100-den astam adam qaza tapty, sonyń ishinde BUU-nyń mıssııasynyń Mazarı-Sharıftegi 8 qyzmetkeri boldy.
2012 jylǵy sáýirdiń aıaǵynda Djons kezekti ret óziniń qalasynda Qurannyń birneshe danasyn otqa saldy.
Amerıkandyq «Atlantık» jýrnalynyń málimetterinshe, pastor AQSh-ta Muhammed Paıǵambar týraly túsirilgen «Musylmandardyń kúnásizdigi» fılmi prodıýserleriniń biri boldy.
