Qurandy qorlaǵany úshin bas bostandyǵynan aıyryldy
ASTANA. 8 naýryz. QazAqparat - Belgııalyq Brıýgge qalasynyń soty Qurandy eldiń kózinshe jyrtqan azamatty 4 aıǵa bas bostandyǵynan aıyryp, abaqtyǵa japty.
Bul oqıǵa ótken jyly maýsym aıynyń 8-i kúni Ostende qalasynda bolǵan, dep habarlaıdy Baq.kz RTL telearnasyna silteme jasap.
Sherýge qatysqan 28 jastaǵy Arne esimdi er adam dámhanaǵa kirip, sol jerde otyrǵan birneshe musylmanmen sózge kelip qalǵan. Ashýǵa erik bergen ol otyrǵandardyń kózinshe Quran kitabynyń parsha-parshasyn shyǵarǵan.
Ol mundaı qadamǵa barýyna musylmandardy kinálap otyr. Naqtyraq aıtqanda, olar Qurandy buǵan qaraı laqtyrǵan. Sot onyń bul sózine sengen joq. Sot aıypkerdi abaqtyǵa jaýyp qana qoımaı, oǵan 600 eýro mólsherinde aıyppul saldy.
Bir qyzyǵy, ol buryn da osyndaı áreketimen kózge túsip, toǵaıǵa ot qoıǵan eken. Sol qylmysy úshin ol shartty túrde 18 aı abaqtyǵy jabylyp, jazaǵa kesilgen.
