Quran súresinde aıtylatyn tas tabyldy...
ASTANA. 15 qarasha. QazAqparat - Saýd Arabııasynyń bir turǵyny ǵajaıyp tas taýyp alypty. Onyń oıynsha, bul arheologııalyq artefakt - Quranda «sıdjıl» degen ataýmen belgili tas bolýy múmkin. Bul týraly Astanadaǵy Áziret Sultan meshitiniń resmı saıty muslim.kz jazady.
«Qurannyń «Pil» súresinde Qaǵbany qıratpaq bolyp joryqqa shyqqan basqynshylardy jazalaý úshin Alla Taǵala «Ábábıl» dep atalatyn qustardy jiberedi. Ol qustardyń tumsyqtarynda jáne tuıaqtarynda joǵaryda atap ótken «sıdjıl» degen usaq tastar bolady. Nıeti jaman basqynshylardy aspannan tónip kelgen qustar sol tastarmen atqylap óltiredi. Mine, saýdııalyq jigit bul «oljasyn» sol kezdegi tastyń biri dep otyr. Jigitke Mysyrdan «tasty 4 mıllıon dollarǵa sat» degen usynys ta túsip úlgergen. Alaıda, bul jádigerin jigittiń eshqandaı somaǵa satqysy joq», - dep jazady muslim.kz.
Tastyń salmaǵy - 131 gramm. Mórge uqsas tańbasy bar. Zertteý nátıjelerine qarasaq, tas qatyp qalǵan kúıgen laıdan shyqqan. Tabylǵan tas bizdiń eramyzǵa deıin 571 jyl, ıaǵnı shamamen 1442 jyl burynǵy zamanǵa jatady. Saýdııalyq jigittiń aıtýynsha, tas ál-Baha aımaǵyna jatatyn Ál-Aqyq provıntsııasynyń Jarab ólkesinde tabylǵan.
