Quran oqý bólmelerine 10 adamnan artyq kirýge bolmaıdy – dinı basqarma
Nur-Sultan qalasynyń Bas ımamy Erbolat Júsipov Ramazan Ramazan aıynda eolrda meshitterinde quran baǵyshtaý rásimderi qalaı iske asatynyn aıtty.
«Quran oqytýǵa kelgen kezde áleýmettik ara qashyqtyq saqtalýy kerek. Bizde arnaıy bólmeler bar. Ol bólmedegi kelýshilerdiń sany 10 adamnan aspaýy qajet. Olardyń arasyndaǵy qashyqtyq ta óte mańyzdy. Quran oqyýshy dinı qyzmetker men kelgen jamaǵatta da betperdeniń bolýy mindetti. Sonymen qatar, quran oqıtyn bólmelerdiń aldynda arnaıy sanıtarlyq tazalaǵysh zattar turady. Solardy mindetti túrde qoldanýymyz kerek. Quran oqıtyn bólme ár 3 saǵat saıyn esik-terezesi ashylyp, tazartylyp turýy kerek. Bul talaptar jergilikti bas sanıtarlyq dárigerdiń sheshimi boıynsha ózgerip otyrady. Jeke namazǵa kelýshi adamǵa da, quran oqytýshy adamǵa da bas sanıtardyń sheshimine súıenip jaǵdaı jasalady», - dedi qalanyń Bas ımamy.
Dinı qyzmetkerdiń aıtýynsha, neke qıǵyzýǵa kelgen adamdarǵa qoıylatyn talap ta osyǵan uqsas.
«Neke bólmesine tek neke qıdyratyn eki jas pen kýágerdiń kirýi ǵana qamatamasyz etiledi. Mundaı sátte jastardyń jaqyndary qýanyshty jaǵdaıǵa qatysqysy keletini túsinikti . Biraq qazirgi jaǵdaıdy eskerý kerek. Nekesin qıǵyzýshylardyń arasynda da 2 metr qashyqtyq bolý kerek. Neke qıyp bolǵan soń meshitten tezirek shyǵyp ketýge keńes beremiz. Neke zaly da ár 3 saǵat saıyn zalalsyzdandyrylyp, tazalanyp turýy kerek», - dedi Erbolat Júsipov.
Mamandardyń aıtýynsha, oraza ustaǵan elordalyqtar da vaktsına ala alady.
Eske salsaq, osy brıfıng barysynda elordalyq eriktiler aýyzashar qorjynyn jetkizýge kómektesetini aıtyldy.
