Quran aýdarmasyn joıý týraly jónsiz sheshimge qarsylyq
ASTANA. 24 qyrkúıek. QazAqparat - Novorossısk qalasynyń Oktıabr aýdandyq sotynyń qasıetti Qurannyń orys tiline Elmıra Qulıev aýdarǵan nusqasyna tyıym salý jónindegi sheshimine narazy Reseı Múftıler keńesiniń tórǵasy, sheıh Rabıl Ǵaınutdın el prezıdenti Vladımır Pýtınge hat joldady.
Hat ıesi Oktıabr aýdandyq sotynyń qyrkúıek aıynyń 17-i kúni shyǵarǵan sheshimin dinaralyq arazdyqqa bastaıtyn arandatý áreketi dep baǵalady. Atalmysh sot Elmıra Qulıev aýdarǵan qasıetti Quran nusqasyn joıýǵa pármen bergen kórinedi.
Muslim.kz saıtynyń jazýynsha, ol prezıdentke joldaǵan hatynda qasıetti Qurandy órtegen amerıkalyq pastordyń essiz áreketiniń jappaı narazylyq týdyrǵanyn eske salyp ótti.
Sheıh Oktıabr aýdandyq sotynyń biliksizdigi men Reseı Federatsııasynyń Krasnodar ólkesindegi Ádilet mınıstrliginiń nemquraıdylyǵyna kúıinip, hatynyń sońynda isti qaıta qaraýdy, barlyq zańdyq talaptardyń saqtalýyn jáne ıslam sarapshylaryn qatystyrýdy talap etti.
