Quramynda kómirsýtegi kóp kezdesetin taǵamdardy qýyrý qaterli isik týdyrýy múmkin
ASTANA. 20 shilde. QazAqparat - Danııanyń ulttyq taǵam ınstıtýty kúndelikti as mázirinde paıdalanyp júrgen taǵamdar quramynda qaýipti qospalar bar dep boljaýda. Ǵalymdar 2004-2011 jyldardaǵy birqatar taǵamdardyń quramyn ólshegen, dep habarlaıdy meddaily.ru saıtynan.
Zertteý nátıjesinde anyqtalǵandaı, as quramynda kezdesetin akrılamıdti az mólsherde bolsa da paıdalaný densaýlyqqa óte qaýipti. Bul qaterli isik damýyna ákep soǵýy múmkin. Qospa quramynda kómirsýtegi kóp mólsherde kezdesetin taǵamdardy qýyrý nemese pisirý kezinde paıda bolady. Basty talap - pisirý temperatýrasy 120 gradýstan aspaý qajet.
Mamandar taǵamdardy termııalyq óńdeý kezinde 175 gradýstan aspaý kerektigin aıtady. Qaýipti qospalar adam aǵzasyna kartoptan 36 paıyz, kofeden 30 paıyz, nan ónimderinen 13 paıyz túsýi múmkin (eresekter úshin). Al balalarda kartoptan - 43 paıyz, chıpsylar men shokoladtan - 20 paıyz, nan ónimderinen - 16 paıyz.
