Quramynda 58 aýyly bar Alakól aýdanynda 23 kitaphana ǵana jumys isteıdi

ALMATY. 6 qańtar. QazAqparat - 70 myńnan astam halqy bar Alakól aýdany turǵyndarynyń 80 paıyzyn qazaqtar quraıdy. 1 kenttik, 22 aýyldyq ákimshilik okrýgke bólingen bul óńirde 58 aýyl bar.

Aýdandyq ortalyq kitaphananyń dırektory Gúlnar Muratqyzynyń aıtýynsha, aýdanda 23 kitaphana ǵana jumys isteıdi. Ondaǵy kitaptardyń jalpy sany 401 myń danany quraıdy. Tek 2 kitaphana ǵana ınternetke qosylǵan. Kitaphanalardyń bárinde birdeı jeke ǵımarat joq. Olar ártúrli nysanda qysylyp, qymtyrylyp otyr. Tipti ortalyq kitaphananyń ózi Zeınep Qoıshybaeva atyndaǵy ortalyq mádenıet úıinde ornalasqan. Aýdandaǵy 7 kitaphana ǵana ortalyqtan jylytylady, qalǵandary óz kúnin ózi kórýde.