QURAMANY QOLDAIYQ! Bizdiń sportshylarymyz úlken marapattarǵa laıyq - Azıada-2011 aldyndaǵy saýalnamalyq suhbat

45 sportshyny qosyp otyr. Bul sportshylarymyz shamamen 25-27 medal alýdan úmitti. Bul týraly QazAqparat tilshisine «Dınamo» dene shynyqtyrý-sport qoǵamy sport basqarmasynyń bastyǵy Nıkolaı Knıazev aıtyp berdi.«Frıstaıl boıynsha qurama negizinen osy «Dınamo» sportshylarynan jasaqtalǵan, sondyqtan, osy sport túri boıynsha jeńiske jetemiz degen oıymyz bar, ásirese qyzdar quramasyna úlken úmit artyp otyrmyz. Qyzdar komandasynyń ishinen frıstaıl boıynsha Álem kýbogynyń ekinshi satysynda jeńimpaz atanǵan ıÝlııa Galyshevany erekshe atap aıtqym keledi. Ol bizdiń komandanyń halyqaralyq arenadaǵy úlken jeńiske jetýine úles qosty, «mogýl» baǵdarlamasynda Vankýver chempıony Hann Kernıden ozyp ketti. Sol kezde QR qyzdar quramasy Japonııa sportshylaryn artta qaldyrǵan bolatyn, qazir de biz osy qalpymyzdan taımaýymyz kerek», - deıdi N.Knıazev.

Basqarma bastyǵynyń oıynsha, sońǵy kezderi bizdiń frıstaıl boıynsha synǵa túsip júrgen sportshylarymyz, atap aıtqanda, Dmıtrıı Reıherd, Dmıtrıı Barmashov, Darıa Rybalova, ıÝlııa Rodıonova men ıÝlııa Galyshevalar jaqsy nátıejelerge qol jetkizip júr. Ótken maýsymda olar Eýropa Kýbogynyń bes satysynda jeńip, birneshe kúmis jáne altyn medaldarǵa ıe bolǵan, sondyqtan aldaǵy Azıadada úzdik úshtiktiń arasynan tabylý olardyń qoldarynan keledi.

N.Knıazevtyń aıtýynsha, «Dınamo» klýbynyń taǵy bir jaqsy sportshysy - baǵdarlaýshy Aleksandr Babenko da altyn medal alýy kerek. «Baǵdarlaýshylardyń barlyǵy jaqsy óner kórsetýi kerek. Olardyń jeńisteri Qazaqstan quramasy úshin óte qajet. Olardyń barlyǵy eń joǵarǵy kórsetkishterge qol jetkizse, biz qytaılyq sportshylarmen ıyq tirestire alamyz», - degen oıyn jetkizdi «Dınamo» klýby sport basqarmasynyń bastyǵy.

Al «Eńbek» hokkeı klýbynyń prezıdenti, sport sheberi Sergeı Shavernevtyń pikirinshe, otandyq sporttyń damýy osy Azıada oıyndarynyń qorytyndysyna táýeldi. «Bizdiń Azıada-2011 oıyndarynda bıikten kórinip, 2014 jyly Sochıdegi jarystarǵa baramyz degen úlken úmitimiz bar. Sport nysandary, atap aıtsaq, Astanadaǵy muz aıdyny, Azıadaǵa arnalyp salynǵan basqa da nysandar jattyǵyp, aldaǵy oıyndarǵa myqty daıyndalýǵa jáne jeńis úshin kúresýge múmkindik beredi. Bizdiń «Barys» komandamyz qurlyqtyq hokkeı lıgasynyń quramynda, jastarymyz shynyǵa bastady, sonyń barlyǵyn sizder Azıadada kóretin bolasyzdar», - dedi ol.

S.Shavernev sondaı-aq hokkeıden qyzdar quramysynyń jaqsy daıyndyǵyn atap ótti. Bizdiń qyzdar quramasy buryn ótken qysqy Azııa oıyndarynda eki ret jeńiske jetkenin de aıta ketý kerek. «Erler quramasy bul nátıjelerden asyp tústi, alaıda qyzdardyń ıyǵyndaǵy júk te eki ese aýyrlaı túsedi. Bizdiń qyzdardyń qarsylastary - qytaılyq jáne japondyq hokkeıshiler myqty daıyndyqpen keledi», - dep atap ótti hokkeı klýbynyń prezıdenti. Onyń aıtýynsha, bul rette bizdiń qyzdar da osaldyq tanytpaıdy, Hokkeıden Qazaqstannyń áıelder quramasy Eýropada eki jıyn ótkizip, Eýrokýbokqa qatysqan. Ulttyq quramanyń bas jattyqtyrýshysy Aleksandr Maltsev Qytaıǵa sapar jasap, qarsylastarymyzdyń oıyndaryna zertteý júrgizdi, qazir bas jattyqtyrýshy óziniń shákirtteri tek altyn úshin ǵana kúresedi degen oı aıtyp júr.

Halyqaralyq shańǵymen tqǵyrdan sekirý kesheniniń sporttyq ǵımaratynyń nusqaýshysy Ivan Karkachevtyń pikirine júginsek, ol K-125 jáne K-95 tuǵyrlary paıdalanýǵa berilgennen beri bizdiń shańǵyshylyrymyz úlken jarystarǵa daıyndalýǵa negiz bolatyn tolyqqandy bazaǵa ıe boldy, ıaǵnı sportshylar Azıadada jaqsy kórsetkishterge qol jetkizýleri kerek degen oıyn jetkizdi. Alaıda, jeńiske jetý qarsylastarymyzdyń quramyna, ásirese japondyqtardyń komandasyna baılanysty. «Eger japondyqtar birinshi qurammen kelse, olardy jeńý múmkin emes desek te bolady, al eger ekinshi quram qatysatyn bolsa (birinshi quram Túrkııanyń Erzýrým aımaǵynda ótetin Búkilálemdik ýnıversıadaǵa qatysýǵa ketýi múmkin), onda bizdiń sportshylarymyzdyń jeńiske degen úmitteri artady», - deıdi maman.

Onyń oıynsha, aldaǵy Azıadada kórinis tabatyn úlken bir kemshilik - jarystarǵa tek eki sportshynyń ǵana qatysýy. Jáne de sporttyń ár túri boıynsha da osy kemshilik qaıtalanǵan, ıaǵnı tórt shańǵyshynyń ornyna eki shańǵyshy, tórt bıatlonshynyń ornyna eki bıatlonshy jarysatyn bolady. «Meniń oıymsha, bul durys emes, sebebi bizdiń quramada tórt sporshy jáne taǵy bir qosymsha shańǵyshy bar ǵoı. Olardyń barlyǵyn jarysqa qosqan durys edi. Alaıda endi jarysqa eki adamnan turatyn tórt komanda ǵana qatysatyn boldy», - dep málim etti I.Karkachev.

Nusqaýshynyń aıtýynsha, jalpy alsaq, bizdiń sportshylarymyz áli de daıyndalýy kerek, al quramamyzǵa qosymsha rezerv pen balalarǵa arnalǵan K-20, K-40, K-60 jattyǵý tuǵyrlary qajet. «Áıtpese, birneshe jyldan keıin úlken tuǵyrlarǵa degen suranys bolmaǵanymen, jattyǵýǵa arnalǵan tuǵyrlardyń bolatyny qýantady. ıAǵnı sport damıtyn bolady degen úmit bar», - degen oıyn jetkizdi I.Karkachev.