Qurama kapıtany bokstan qazaqstandyqtardy komandalyq esepte Álem chempıonatynyń jeńimpazy etti
ALMATY. 26 qazan. QazAqparat - Qazaqstan quramasy bokstan Álem chempıonaty tarıhyndaǵy óz rekordyn jańartyp qana qoımaı komandalyq esepte merziminen buryn jeńimpaz atandy.
Rıng tórine aqtyq synda besinshi bop kóterilgen komanda kapıtany Danııar Eleýsinov (69 kg) kýbalyq Arısnoıdýs Despaındy 3:0 esebimen jeńip, qurama qorjynyna úshinshi altyn medaldy saldy. Buǵan deıin el quramasy 2003 jáne 2005 jyldary ótken Álem chempıonatynda 2 márte Qazaqstannyń ánuranyn shyrqatqan bolatyn.
Danııardyń bul jekpe-jegin QR Prezıdenti Nursultan Nazarbaev tamashalap, ony jeńisimen quttyqtady.
