Quralaıdy kózge atqan mergenderimiz Berlınde baq synaıdy
ASTANA. QazAqparat - Qazaqstandyq sadaq atýshylar 15-22 shilde aralyǵynda Germanııa astanasy Berlınde ótetin sadaq atýdan Álem Kýbogynyń kezeńinde baq synaıdy, dep habarlaıdy QazAqparat tilshisi.
QR UOK-niń baspasóz qyzmeti málim etkendeı, bul mergender úshin fınalǵa joldama beretin sońǵy múmkindik. Berlındegi saıystan soń eń kóp upaı jınaǵan sportshylar qyrkúıek aıynda Rımde (Italııa) ótetin fınaldyq kezeńde baq synaıdy.
Atalǵan dodada klassıkalyq sadaq atýdan erler arasynda Denıs Gankın, Sultan Túzelbaev, Sanjar Musaev jáne Ilfat Abdýllın, al qyzdar arasynda Lýıza Saıdıeva, Qaragóz Asqarova, Alına Ilıasova jáne Talshyn Qusaıyn el namysyn qorǵaıdy.
Sondaı-aq, bloktyq sadaq atýdan erler arasynda Akbaráli Qarabaev, Pavel Fısher, Konstantın Solodovnıkov, Artem Gankın synǵa tússe, qyzdar arasynda Adel Jeksenbınova, Dıana Makarchýk, Vıktorııa Lıan óner kórsetedi.
